Asturies: Presentación del llibru “¡No os importe matar!”

Xixón Llunes 16 de marzu

19:30 Hores
Escuela de Comerciu (Cai Francisco Tomás y Valiente, 1)
Presentación del llibru “¡No os importe matar!”
Sabino Cuadra, autor, miembru de San Fermines 78 Gogoan.
Luis Pascual, Ateneú Obreru de Xixón.
Carme Prado, de La Comuna d’Asturies – CeAQUA.
https://axendamazucu.org/evento/8307

Avilés martes 17 de marzu

19:30 Hores
Club de Prensa LNE – Avilés
Palacio Valdecarzana.
Presentación del llibru “¡No os importe matar!”
Sabino Cuadra, autor, miembru de San Fermines 78 Gogoan.
Mar Díaz, FAMYR.
F. Rguez Amorín, de La Comuna d’Asturies – CeAQUA.
https://axendamazucu.org/evento/8308

Uviéu miércoles 18 de marzu

20:00 Hores
El MANGLAR (Cai Martínes Vigil 14)
Presentación del llibru “¡No os importe matar!”
Sabino Cuadra, autor, miembru de San Fermines 78 Gogoan.
Tino Brugos, profesor de historia.
Delfina Flórez, de La Comuna d’Asturies – CeAQUA.
https://axendamazucu.org/evento/8309

Entamen:
La Comuna d’Asturies – CeAQUA
FAMYR
Ateneú Obreru de Xixón
EL MANGLAR (Ecosistema Cultural)
Impunidá del franquismu, Transición “modélica”, Querella Arxentina, carencies democrátiques actuales… Pa falar d’esto y muncho más, nun pierdas la presentación del llibru de Sabino Cuadra “¡No os importe matar!”.
Sábadu, 8 de xunetu de 1978. Pamplona. Plenos Sanferminos. Franco va yá cuasi trés años que morrió, pero’l franquismu sigue tovía mui vivu. Esi día, decenes de policíes arrodien la plaza de toros, que ta acorrompinada de xente, cuando dellos mozos baxen al ruedu con una pancarta onde piden l’amnistía y unos Sanferminos ensin presos. Ye la sida de la Policía franquista pa entrar nel cosu, preparar les “bocaches” y tirar con toles fuercies, lo más fuerte que pudieron. Pelotes de goma, botes de fumu, gas lacrimóxeno y bales. Dexaron decenes de mancaos, dellos de gravedá, dientro de la plaza. Munchos más per fuera. El militante mozu de LKI Germán Rodríguez cayía muertu por una bala de la Policía Armada. Nesi momentu yera ministru d’Interior Rodolfo Martín Villa, que ta imputáu por esti casu – ente otros- na Querella Arxentina contra los crímenes del franquismu.
Depués de más de 40 años, Sabino Cuadra Lasarte, basándose nel informe que redactaron les peñes sanfermineres naquel entós, en documentos desclasificaos va poco y en trabayos monográficos ellaboraos dende dellos ámbitos, reconstruye pormenorizadamente l’ambiente anterior y posterior y los propios fechos, asitiando lo asocedío aquel 8 de xunetu nun contestu de crímenes contra la humanidá cometíos a lo llargo de la dictadura y de la llamada Transición.
El títulu, “¡No os importe matar!”, recueye la frase d’un mandu policial, Vulcano 2, al traviés de la emisora policial. El llibru analiza’l contestu de los Sanferminos 1978, la intervención policial, la versión oficial, la de los testigos y les conclusiones de les omisiones d’investigación. Esplora tamién el camín tan llargu p’algamar verdá, xusticia y reparación al amparu del principiu de xusticia universal, que declara imprescriptibles los delitos de lesa humanidá.
Porque, anque los sos perpetradores sigan impunes y la versión oficial nos cunte otra cosa, nun foron errores. Y nun-yos dio más matar
La Comuna d’Asturies – CeAQUA tien un grupu de corréu (https://groups.google.com/d/forum/la-comuna-d-asturies). Si t’interesa recibir los nuestros comunicaos y convocatories, únvianos un corréu electrónicu a la dirección lacomunadasturies@gmail.com y mandámoste una invitación.Tamién tenemos un grupu de WhatsApp. Si quies apuntate, unvia un mensaxe al +34696768351 (Francisco Javier) y metémoste.