MANIFIESTU MOVIMIENTU ASTURIES 8M
Desendolcamos un programa en comuña pa tresformalo too y esti 8 de Marzu salimos pa visibilizar dende les nueses cases y les nueses places que somos esenciales, porque somos les que siguimos construyendo y calteniendo de forma colectiva a pesar del andanciu. Nós curiamos: nos espacios vecinales, nel movimientu antirracista, escontra los desagospios, pola salú pública, lluchando polos derechos de toes, toes, toes. Esti 2021 abordamos una crisis mundial nueva, pero nun escaecemos los pasos andaos, lo deprendío y lo heredao de toles demás crisis d’esti capitalismu patriarcal. El neolliberalismu quedó al desnudu. Enxamás foi’l camín y güei ye más evidente que nunca. Nin la nuesa salú, nin los nuesos derechos, nin el nuesu futuru van volver a una normalidá que nos afuega al empar que nos esplota. Énte esto nós faemos avanzar al mundu. Les compañeres que defenden la paz y el planeta, qu’aguanten nos territorios ocupaos, nel desiertu, por procesos constituyentes y pola conquista de derechos. Esti ye un glayíu global imparable, sabiu y creativu y toes estes son les nueses lluches. Güei, ente los dos metros que nos dixebren sabemos qu’hai munches compañeres que nun pudieron venir: Trabayadores del llar y cuidaos, les asesinaes, les preses, les zarraes nos CIES, y les que tán confinaes, curiando o enfermes. Tamos equí por toes. El capitalismu instaló ente nós la precariedá, destruyó lo común y lo público y arrampúñanos derechos y llibertaes. La pandemia ta afondando nesta crisis, les vulnerabilidaes y les cargues que yá teníamos. Tamos énte una emerxencia social. Quedó claro qu’hai que repensar el mundu, ye momentu de visibilizar y valorar los trabayos de cuidaos. . Les necesidaes medraron, la distribución y les xeres son munches: les que facemos de forma invisible y de baldre nos llares y les que son remuneraes, feminizaes, precarizaes y feches dende una gran esplotación llaboral, n’ausencia de derechos y de reconocencia.
Reivindicamos que toos estos trabayos tienen de tar nel centru d’un nuevu modelu económicu corresponsable dende l’Estáu, les empreses y los homes, que protexa les nueses vides y la dignidá de les persones cuidaes.
Lluchamos pola dignidá de les muyeres diverses, dende la intersección de les desigualdaes y la interdependencia por una vida plena pa toes. Nun vamos dexar qu’esta pandemia priorice unes vides humanes sobro otres. L’accesibilidá debe siempres tar nel centru de la nuesa llucha y n’especial agora
escontra’l virus.
Mentanto’l confinamientu munches muyeres tuvimos que convivir colos nuesos maltratadores. Namás el pasáu abril, les consultes online al 016 aumentaron casi un 600%. Les llimitaciones de movilidá y l’aislamientu llevaron al aumentu de les violencies que sufrimos y fixéronnos vivir situaciones d’especial vulnerabilidá ya incertidume. Esiximos vides llibres de violencies, tamién de les violencies qu’esploten sexualmente a miles de muyeres y neñes en tol mundu, y les que mercantilicen los nuesos cuerpos como si fueren bienes de consumu. La llucha escontra les violencies machistes ye un asuntu d’Estáu. Anguaño vimos un Sistema Públicu de Salú atacáu de muerte pol neolliberalismu. Los retayos y l’austericidiu ponen la nuesa salú en peligru y llevónos a les trabayadores sanitaries, que somos nun 80% muyeres: llimpiadores, celadores, enfermeres o doctores, a trabayar n’ocasiones apetuguñaes y en primer llínea escontra’l virus. Tenemos de reestructurar el texíu públicu y los servicios sociales pa trabayadores y usuaries. Les feministes reivindicamos que nin la vacuna nin la salú pue ser una mercancía, ye un derechu universal pa toes, independientemente de la nuesa situación alministrativa. Demandamos la erradicación de les patentes y la construcción d’un sector farmacéuticu públicu que garantice la salú integral de tola población. Nun podemos escaecer la importancia de la salú mental. El confinamientu y les duldes lleváronnos a estaos d’ansiedá y depresión. Esiximos que se dexe de patoloxizar les nueses emociones atayando les razones que nos producen maltar y que la salú mental s’enfoque dende los cuidaos y lo común. Nós reivindicamos más feminismu y menos Prozac.
Nos centros d’encierre (cárceles, CIEs, Centros d’Internamientu pa Menores, psiquiátricos), la xestión de la pandemia foi utilizada p’aisllanos, invisibilizanos y frayar los nuesos derechos entá más. Tamos apetuguñaes y careciendo mayor esposición a l’andanciu ensin midíes sanitaries afayadices. Tán retrasando la nuesa llibertá y l’accesu al tercer grau. Esiximos que les alministraciones garanticen los derechos humanos, entamar per crear una comisión d’investigación sobro la vulneración de derechos mientres la pandemia. Reclamamos la perspectiva de xéneru nos centros d’encierre y planes educativos y llaborales. El sistema capitalista actúa ensin importar fronteres, con estratexes imperialistes, racistes, colonialistes y violentes, imponiendo los intereses de les multinacionales. Espolien, esfarrapen el mediuambiente, destrúin ecosistemes y economíes agrícoles. Emprobécennos, contaminen, fainnos adolecer d’enfermedaes y mátennos. Provoquen guerres, militaricen territorios y oblíguennos a migrar. Esiximos la condonación de la delda esterna de los países del Sur Global y el desaniciu de los trataos de llibre comerciu. Esiximos detener los proyectos estractivistes y puxar por un cambéu ecosocial y caltenible col planeta y los pueblos.
Denunciamos la criminalización y asesinatu de les defensores de derechos humanos y de la tierra. Sofitamos y visibilizamos les sos lluches. Somos les migrantes, con y ensin papeles, abellugaes, solicitantes d’asilu, racializaes, acosaes y esplotaes pol nuesu orixe y la nuesa condición alministrativa. Frente a les polítiques de la UE qu’afonden nel racismu institucional y condicionen la nuesa movilidá como meros preseos útiles pa la producción. Reivindicámonos feministes antirracistes y antifascistes escontra mentalidaes que nos esclúin y frayen. Esiximos la inmediata derogación dafechu de la Llei d’Estranxería y el zarru definitivu de los CIEs. ¡Regularización yá! L’albuertu ta nel centru de los ataques de la estre la derecha a nivel mundial. Énte esto, nós puxamos na llucha pola llibertá de decisión sobro les nueses vides. Esiximos que l’Estáu garantice los nuesos derechos sexuales y derechos reproductivos, qu’actúe escontra l’odiu, l’acosu y les presiones escontra muyeres, profesionales y centros. Esiximos una Llei estatal que desanicie l’albuertu del Códigu Penal y garantice la so práctica pol Sistema de Salú Pública. Dende Arxentina hasta Polonia: nós parimos, nós decidimos.
Güei tamién reivindicamos que naide nos puede etiquetar, adoctrinar, cosificar nin patoloxizar mentalmente. Les violencies que sufrimos les muyeres trans nun pueden ser invisibilizaes nin feches de menos. Niégasenos l’accesu al trabayu y a la vivienda y tamos espuestes a la probeza. Sufrimos l’odiu, el refugu, la discriminación y l’acosu en tolos espacios de la nuesa vida. Les muyeres trans queremos vivir llibres y segures. Les más moces atopamos un país que nun nos ufierta futuru, sufrimos un paru del 41,73%, trabayos precarizaos y temporalidá, condiciones de vida peores que la xeneración anterior. Reivindicamos una educación llibre, plural, feminista, con memoria de referentes, non enfocada a la producción capitalista y llibre de les cargues de xéneru.
Esiximos una educación sexuafectiva llibre d’estereotipos y en toles etapes educatives y demandamos entornos seguros y llibres de violencies.
Somos les nietes d’una xeneración condergada al escaezu: Les que llucharon escontra’l franquismu, heroínes y referentes que nos abrieron el camín. Por elles, lluchamos xuntes por que naide-yos ñegue’l so llugar na hestoria. Porque fueron, somos, porque somos, van ser. Y a lo último, nun vamos tolerar la criminalización inxustificada que tamos recibiendo, que namás evidencia l’odiu escontra’l feminismu, porque nun somos irresponsables nin ignorantes, tampoco menores necesitaes de tutela, nin muncho menos inconscientes pa cola salú pública. De fechu somos lo contrario, somos les muyeres que llevamos sieglos calteniendo los cuidaos y la vida de la humanidá y por eso esiximos los derechos que nos correspuenden. Énte esti sistema que NUN da rempuestes a les nueses necesidaes vitales, qu’exerce violencies escontra nós y pónnos en riesgu, sabemos que la única forma ye tresformalo too, avanzando escontra un horizonte feminista. Siguimos, porque vamos llueñe, lluchando dende lo común, porque l’espíritu de la fuelga vive en caúna de les nueses lluches.
Güei tamién reivindicamos que naide nos puede etiquetar, adoctrinar, cosificar nin patoloxizar mentalmente. Les violencies que sufrimos les muyeres trans nun pueden ser invisibilizaes nin feches de menos. Niégasenos l’accesu al trabayu y a la vivienda y tamos espuestes a la probeza. Sufrimos l’odiu, el refugu, la discriminación y l’acosu en tolos espacios de la nuesa vida. Les muyeres trans queremos vivir llibres y segures. Les más moces atopamos un país que nun nos ufierta futuru, sufrimos un paru del 41,73%, trabayos precarizaos y temporalidá, condiciones de vida peores que la xeneración anterior. Reivindicamos una educación llibre, plural, feminista, con memoria de referentes, non enfocada a la producción capitalista y llibre de les cargues de xéneru.
Esiximos una educación sexuafectiva llibre d’estereotipos y en toles etapes educatives y demandamos entornos seguros y llibres de violencies.
Somos les nietes d’una xeneración condergada al escaezu: Les que llucharon escontra’l franquismu, heroínes y referentes que nos abrieron el camín. Por elles, lluchamos xuntes por que naide-yos ñegue’l so llugar na hestoria. Porque fueron, somos, porque somos, van ser. Y a lo último, nun vamos tolerar la criminalización inxustificada que tamos recibiendo, que namás evidencia l’odiu escontra’l feminismu, porque nun somos irresponsables nin ignorantes, tampoco menores necesitaes de tutela, nin muncho menos inconscientes pa cola salú pública. De fechu somos lo contrario, somos les muyeres que llevamos sieglos calteniendo los cuidaos y la vida de la humanidá y por eso esiximos los derechos que nos correspuenden. Énte esti sistema que NUN da rempuestes a les nueses necesidaes vitales, qu’exerce violencies escontra nós y pónnos en riesgu, sabemos que la única forma ye tresformalo too, avanzando escontra un horizonte feminista. Siguimos, porque vamos llueñe, lluchando dende lo común, porque l’espíritu de la fuelga vive en caúna de les nueses lluches.
¡Puxa’l 8 de marzu, puxa la llucha feminista!
MOVIMIENTO ASTURIES 8M
Visto en el canal de Telegram, 8M Asturies
Se puede descargar en: https://buff.ly/3caoeTs
