Defender la democracia ye defender l’asturianu y el gallego-asturiano y apostar pola oficialidá.
Nuesos diputaos y la nuesa diputada lleen una declaración política pa reivindicar l’usu del asturianu y el gallego-asturiano y reclamen al restu de fuercies polítiques que “ye’l momentu de la oficialidá”.
Podemos Asturies considera que la defensa de la llingua asturiana “tien que xunir a los partíos políticos que refuguen la violencia y los discursos d’odiu” de la ultraderecha.
El grupo parlamentariu Podemos Asturies, manifestó esti miércoles que “defender la democracia ye defender la llingua asturiana y apostar pola oficialidá” frente a los intolerantes, como la ultradercha que quier poner torgues nel Parlamentu pa que nun se pueda usar “y tán faciendo d’ello la so fueya de ruta”.
Daniel Ripa, Nuria Rodríguez, Ricardo M. Salmón y Rafael Palacios, lleeron un discursu políticu -na Plaza La Escandalera- onde pidieron a toles fuercies polítiques democrátiques asturianes firmeza énte los ataques de la extrema derecha contra los derechos y llibertaes y contra la democracia. Asina, señalaron que “defender la democracia ye defender l’asturianu y el gallego-asturiano y la oficialidá”.
Nesi sentíu, reclamaron al restu de partíos políticos, “llevantar la voz” en defensa del idioma d’Asturies “énte l’intentu de discriminación nes nuestres instituciones por parte de la ultraderecha”. Na mesma llinia, esplicaron que tanto l’asturianu como’l gallego-asturiano “siempre s’usaron na Xunta Xeneral con total normalidá hasta que llegó Vox”. Según Podemos Asturies, l’usu de la llingua asturiana “nunca nun foi un problema, nin nel Parlamentu, nin na sociedá”. Y, polo tanto, “nun podemos permitir que la extrema derecha conviértalo agora na so fueya de ruta”, recordaron.
Otra manera, Ripa, Rodríguez, Salmón y Palacios manifestaron que les fuercies democrátriques de la Cámara asturiana “tenemos la obligación de refugar cualquier discriminación o torga pa quien quiera falar n’asturianu y/o’n gallego-asturiano nel Parlamentu”. Por esti motivu, pa Podemos Asturies ye’l momentu de comenzar los trabayos pa reformar l’Estatutu d’Autonomía”.
Asina, remarcaron y convidaron al restu de grupos políticos de la Xunta Xeneral a qu’esta llexislatura “tien que ser la de la oficialidá”, puesto que “tenemos la oportunidá de xuntar fuercies p’afitar un derechu democráticu y cellebrar la bayura cultural d’Asturies”. Y, nesi sentíu, inisistieron en que “ye’l momentu d’avanzar hacia esa reforma que permita blindar los derechos sociales, ampliar la nuestra capacidá d’autogobiernu y, en definitiva, afondar na calidá de la democracia”.
Podemos Asturies considera que la defensa de la llingua asturiana “tien que xunir a los partíos políticos que refuguen la violencia y los discursos d’odiu” de la ultraderecha.
El grupo parlamentariu Podemos Asturies, manifestó esti miércoles que “defender la democracia ye defender la llingua asturiana y apostar pola oficialidá” frente a los intolerantes, como la ultradercha que quier poner torgues nel Parlamentu pa que nun se pueda usar “y tán faciendo d’ello la so fueya de ruta”.
Daniel Ripa, Nuria Rodríguez, Ricardo M. Salmón y Rafael Palacios, lleeron un discursu políticu -na Plaza La Escandalera- onde pidieron a toles fuercies polítiques democrátiques asturianes firmeza énte los ataques de la extrema derecha contra los derechos y llibertaes y contra la democracia. Asina, señalaron que “defender la democracia ye defender l’asturianu y el gallego-asturiano y la oficialidá”.
Nesi sentíu, reclamaron al restu de partíos políticos, “llevantar la voz” en defensa del idioma d’Asturies “énte l’intentu de discriminación nes nuestres instituciones por parte de la ultraderecha”. Na mesma llinia, esplicaron que tanto l’asturianu como’l gallego-asturiano “siempre s’usaron na Xunta Xeneral con total normalidá hasta que llegó Vox”. Según Podemos Asturies, l’usu de la llingua asturiana “nunca nun foi un problema, nin nel Parlamentu, nin na sociedá”. Y, polo tanto, “nun podemos permitir que la extrema derecha conviértalo agora na so fueya de ruta”, recordaron.
Otra manera, Ripa, Rodríguez, Salmón y Palacios manifestaron que les fuercies democrátriques de la Cámara asturiana “tenemos la obligación de refugar cualquier discriminación o torga pa quien quiera falar n’asturianu y/o’n gallego-asturiano nel Parlamentu”. Por esti motivu, pa Podemos Asturies ye’l momentu de comenzar los trabayos pa reformar l’Estatutu d’Autonomía”.
Asina, remarcaron y convidaron al restu de grupos políticos de la Xunta Xeneral a qu’esta llexislatura “tien que ser la de la oficialidá”, puesto que “tenemos la oportunidá de xuntar fuercies p’afitar un derechu democráticu y cellebrar la bayura cultural d’Asturies”. Y, nesi sentíu, inisistieron en que “ye’l momentu d’avanzar hacia esa reforma que permita blindar los derechos sociales, ampliar la nuestra capacidá d’autogobiernu y, en definitiva, afondar na calidá de la democracia”.
