XUICIU A MARTIN VILLA
Nos años 60 y 70, nel Estáu español había un movimientu obreru, vecinal, cultural, nacionalista, feminista, estudiantil... mui potente que reclamaba derechos democráticos y llibertaes.
Na dictadura franquista, y nos primeros años de la Transición, usóse tol aparatu represivu del Estáu p'acabar con esti movimientu social tan impresionante. Amás, la llei d'Amnistía de 1977 garantizó la impunidá a tolos responsables de la represión.
Rodolfo Martín Villa foi ún de los artífices principales d'esa política represiva. Cuando él yera ministru cometiéronse crímenes tan graves como los de Vitoria-Gasteiz, selmana pro-amnistía, San Ferminos 78 y otros munchos socedíos a lo llargo y ancho del Estáu español.
Naquel tiempu, n'Avilés, un trabayador d'Ensidesa recibió, pela espalda, un disparu de la policía cuando taba faciendo una pintada. Nengún d'estos crímenes tán xulgaos y, polo tanto, los sos responsables siguen impunes.
La iniciativa Xuiciu a Martín Villa quier denunciar esto y demandar nos tribunales del Estáu español les responsabilidades civiles, polítiques y penales pol so papel naquellos años.
Martín Villa ya ta imputáu nos tribunales d'Arxentina por crímenes contra la Humanidá.
Non a la impunidá.
Xuiciu a Martín Villa. Pues collaborar económicamente cola campaña en:
https://www.goteo.org/project/juicio-a-martin-villa
La Comuna d'Asturies - Coordinadora Estatal de Apoyo a la Querella Argentina
